فطرت واحد في نص صيامه : )

السلام عليكم


في البداية حاب افضفض لكم شوي

بحكم اني من اصحاب الوزن الثقيل ولكم ان تخمنوا وزني الخفيف جدا

صرت ما القى مقاسي باي شي يعجبني ابداً

لدرجة اني ادخل واقول عطني ايش عندك من تشكيلة من المقاس الفلاني

وغالباً تكون بايخة

لذلك قررت من زمان اني انحف :)

من احد الاسباب اللي بتخليني انحف هي الرياضة

اخذت عادة عندي قبل الفطور امشي 6 كيلو في الممشى



بين مشي وهرولة

امس كان يوم عجيب بصراحة

الساعة 5 العصر
ممشى طريق الملك عبد الله ( شارع الحوامل ) << يروق لي الاسم كثيراً :P



قدامي رجل في الخمسينات من عمره
ما شاء الله عليه الرجال مركب مكينة بوغاتي

ياخذ لفتين وانا توني في اللفة الاولى

ما ادري العيب منه ولا مني

بس اتوقع مني ^_^

شوي الرجال اشوفه بدا يهدي سرعته شوي
شوي الرجال وقف
شوي الرجال قعد على الارض
شوي الرجال طاح

رحت للرجال وكان في وعيه وما فقد الوعي تماماً
قلت له : يا عمي عندك سكر ؟
قال لي : ايه عندي سكر
غالبا الممشى في الوقت هذا فاضي

تجمع اثنين من اللي كانو يمشون
فقلت لهم خلوكم عنده وانا اتسلف مكينة البوغاتي منه و انقز لأسواق السنبلة ( اقرب ماركت فاتح في هالوقت )
واجيب موية وجالكسي و عصير
يوم جيته واكب موية على وجهه
واشربه عصير واعطيه الجالكسي بالمكسرات

الرجال بدا يصحصح شوي وقدر يقوم على حيله

قلت للرجال ما تشوف شر ان شاء الله اوصلك للبيت

قال لي لا السواق يجيني عالساعة 6

قلت طيب انا استأذن

قال لي تعااال

ليش تخليني افطر وما بقي على الاذان الا ساعة

( لا تتخيلو شكلي في هذي اللحظة )

قال والله عيب عليك تفطر واحد في صيامه

قلت له يا عمي بس انت واضح ان السكر كان منخفض عندك

قال حتى ولو

0_o

تركته يرعد ويزبد وانا اتمتم في نفسي

خير تعمل شر تلقى

عن اذنكم بروح امشي

يمكن افطر واحد ثاني

سلام عليكم