يوم تحرير السعودية

السلام عليكم

عودة بعد انقطاع  : )

كـل عام وأنتم بخير وتقبل الله منا ومنكم صالح الأعمال




1932

23

سبتمبر

23 سبتمبر 1932

او ما يعرف عندنا باليوم الوطني

وهو اليوم الذي تم توحيد جميع أجزاء المملكة العربية السعودية

لو نرجع شوي قبل كم سنة

ما كان فيه أحد يعرف متى هو اليوم الوطني السعودي او العيد الوطني كما احب ان اسميه

لكن بعد قرار الإجازة اللي توافق هذا اليوم

صار الشعب يعرف متى اليوم الوطني السعودي

اتذكر اول يوم وطني رسمي كنت جالس اشوف التلفزيون

في أحد المولات المذيع يسأل ايش يعني لك هذا التاريخ او هذا اليوم بالظبط

وكنت اضحك على الاجابات

يجيك واحد حاط العلم ولابس اخضر ويقول يوم استقلال السعودية

والثاني يقول تحرير السعودية

و في كل سنة تبدأ تطلع المسيرات و الفرحة بهذا اليوم

انا مو ضد هذي الفرحة بالعكس !

انا مع الاحتفال باليوم الوطني (( وان زعلت علي فئة من المجتمع برأيي هذا ))

لكن انا ضد المظاهر اللي جالس تصير في اليوم الوطني

وكلنا يتذكر ايش صار السنة اللي راحت في الواجهة البحرية في مدينة الخبر

وكل هذا ليش صار ؟!!

لان بعض الناس كان منشغل نسميه اليوم الوطني ولا نسميه العيد الوطني

يا اخي الكريم بدال ما تقعد تناقش في مواضيع تافهة زي هاذي

روح وثقف الشعب باليوم الوطني

خصص أماكن للاحتفالات ( وهذا اللي اعتقد راح يصير السنة هاذي )

اجعل اليوم الوطني السعودي يوم يشاد فيه في دول الخليج كلها

و هذا الشي ممكن وليس صعب ابداً

مجرد شوية تثقيف مع شوية التزام من الشعب و شوية انظباط من الجهات المسؤولة ويخرج اليوم الوطني بافضل شكل لائق ووممكن

اعجبني بصراحة السنة اللي راحت مجموعة شباب في اليوم الوطني

لبسوا الأعلام .. ركبو البروشات .. واخذو يباركو للمنومين في المستشفيات مثل مستشفى الملك خالد الجامعي وفي نفس الوقت رسموا خريطة كاملة للمملكة ولونوها

اعجبني ايضاً لما في احد المولات تجيب الاولاد والبنات الصغار تلبسهم البروشات والاعلام وتخليهم يرسمون

وما اتذكر اي مول بالضبط اللي سوا مسابقات و قبل المسابقات كان فيه زي النبذة باليوم الوطني وهذا التثقيف اللي اتكلم عنه

لو انتشرت هذي الفعاليات بشكل اكثر من الموجود حالياً

راح نحس بطعم اليوم الوطني ... وراح ننتظره من سنة إلى سنة

الله يديم علينا الأمن والأمان و الاستقرار

وعيدي مبارك فيك يا مملكتي الحبيبة : )