معاق مؤقتاً : )

( حدث رقم 1 )
التاريخ : 14 اكتوبر 
المكان : ملعب كورة 
الحدث : شعر في القدم بعد اظهار بعض فنون اللعب الخرافية في المباراة 





(حدث رقم 2 )
التاريخ : 30 اكتوبر 
المكان : KKUH - plaster room
الحدث : جالس أفك الجبس 


معاق لفترة 17 يوم 
17 يوم وانا استخدم الشي اللطيف اللي اسمه عكاز ! 

الواحد ما يعرف قيمة الشي الا لما يفقده 
اثناء فترة رجلي المكسورة فعلاً حسيت بالنعمة اللي انا فيها 
ياما في ناس مشلول شلل نصفي او يعاني من اعاقة دائمة 
وتلقاه انسان حبيب و يحمد الله على الوضع اللي هو فيه 
واحنا لو الواحد بس يصدع يزعل و يطنقر و ممكن ينفجر بأي وقت ! ! 
فعلاً انا عانيت كثيراً في أيامي الأولى ( خصوصاً في المشي ) بس بعد الأيام الأولى بديت امشي على رجلي :P 
والعكاز اخليه مساعد 


اسوأ شي اني صرت اطلع من البيت بدري الصباح 
مو عشان الزحمة ولا عشان المواقف 
عشان اقعد تقريباً ربع الى ثلث ساعة من المواقف مشي بعكازي اللطيف الى باب القاعة : / 


لكن دائما الواحد يشوف نصف الكأس المليان : 


فوائد العكاز 
1- أداة مناداة للبعيد 
( أداة للتأشير وتحديد المواقع ) 

2- أداة لمناداة القريب 
( عن طريق ضرب الشخص المجاور بطرف العكاز ) 

3- أداة لضغط زر الأصانصير و فتح الأبواب :P << أهم شي في الموضوع 

4- أداة جميلة جداً للدفاع عن النفس 

5- جاء في فترة اختبارات - عشان اقعد اذاكر - :P 

6- تتهرب لما يكون عليك الدور تجيب الغداء لأخوياك تقول انا رجلي مكسورة 

7- تستطيع الميانة على اخوياك يشيلون اغراضك ( شنطة - لابتوب - موية - علك )




ولي فيها مآرب آخرى ^_^ 




و صار اسمي في الكلية DR.House 

و في نفس الوقت لاحظت ان السكيورتية غير متعاونين تماماً لما يكون مقفل المواقف و اقول له ابغى ادخل 
يقول ممنوع , اقول له رجلي مكسورة , يقول وانا ايش علي منك !! 


ياجعلي اشوفك بعكاز يوم يارب 


خلاصتي من هالتجربة : 
" ياما في اشياء كثيرة نشوفها سهلة و أحنا نسويها , لكن على تكون على غيرنا صعبة , المفروض نحمد الله على العافية وندعي للباقين بالشفاء ان شاء الله "


بصراحة كانت تجربة حلوة 
عرفت فيها نعمة الله علي و على غيري 
والحمد لله على كل حال ^__^ 


ايه صح تذكرت اليوم في مباراة كورة بس للأسف رفضت :P 


سلام عليكم (f)